Сахациркэтигэр буолбут үөрүүлээх киэһэҕэ республика Президенэ Егор Борисов «Культура үтүөлээх үлэһитэ» ааты Амгалена Константиноваҕа, Софья Сидорова аатынан Бочуоттаах бэлиэни улуус дьахталларын сэбиэтин бэрэссэдээтэлигэр Екатерина Ивановаҕа туттарда. Итини таһынан республика социальнай-экономическэй сайдыытыгар өҥөлөрүн иһин СР Правительствотын Грамотатынан Улуустааҕы Сэбиэт депутаттарын бэрэссэдээтэлэ Василий Гуляев наҕараадаланна.

Улуустааҕы депутаттар бэһис сессияларын быһаарыытынан, «Чурапчы улууһун Бочуоттаах гражданина» ааты СР президенин уонна правительствотын Администрациятын дьыала уонна докумуон оҥоруутугар Управлениетын салайааччыта Прасковья Борисоваҕа, үлэ ветераннара Павел Харитоновка уонна Татьяна Карповаҕа иҥэрдэ.

Ахсынньы 7 күнүгэр Василий Гуляев салалталаах улуус депутаттара Ил Түмэн уонна куорат Думатын салататын уонна депутаттарын кытта көрүстүлэр. «Тандем» спортивнай комплекска спорт араас көрүҥнэригэр доҕордуу көрсүһүүлэр буоллулар.

Социальнай харалта управлениетын начальнига Лидия Тосукаева уонна оройуоннааҕы Киин балыыһа кылаабынай бырааһа Александр Коркин «Алаас» профилакторийга, «Капитоновка» интернатыгар сылдьан, Чурапчыттан төрүттээхтэри кытта көрүстүлэр.

А.Е. Кулаковскай аатынан культура Дьиэтигэр Боотурускай улуус 375 сылыгар аналлаах быыстапка ыытылынна.