Күрэһи тэрийээччилэринэн «Кириллина А.С.» ИП, 7 №-дээх профессиональнай лицей (директор Саввинов Т.Г.) буоллулар.

Күрэстэһиигэ Үөһээ Бүлүүттэн Мария Ушницкая, Ньурбаттан Галина Макарова, Сунтаартан Лидия Попова, Надежда Сологонская, Айталина Семенова, Айталина Николаева, Надежда Петрова, Валентина Яковлева, Любовь Захарова, Юлия Захарова кытыннылар. Кинилэртэн үгүстэрэ араас таһымнаах күрэстэһиилэр кыайыылаахтарынан буолаллар.

Күрэс программатын иһинэн лицей преподавателэ Римма Дмитриева парикмахердарга маастар-кылаас ыытта.

Күрэс «Мужская стрижка», «Дневная прическа», «Вечерняя прическа» көрүҥнэринэн ыытылынна. Маастардар уонна юниордар тус-туһунан күрэстэстилэр.

Бу күрэскэ моделларынан «Ай-Куо» муода студията (салайааччы Фомина В.А.), «Айыы тыына» студия (Андросова Н.С.) уонна 10-с кылаас үөрэнээччитэ, «Ай-тик» республикатааҕы күрэс кыттыылааҕа Нарыйа шоу- программаҕа кыттан, дьон сэҥээриитин ыллылар. Маны сэргэ «Мужская стрижка» көрүҥҥэ Сунтаардааҕы технологическай колледж уолаттара модель буоллулар.

Регионнааҕы күрэс түмүгэ маннык буолла: маастардар ортолоругар Гран-прины Мария Ушницкая ылла. Любовь Захарова, Айталина Семенова, Юлия Генерова бириистээх миэстэлэри ыллылар.

Юниордар ортолоругар Гран-при хаһаайкатынан Галина Макарова буолла. Оттон Надежда Петрова, Валентина Яковлева, Надежда Сологонская миэстэлэстилэр. Маны таһынан номинациялар кыайыылаахтара быһаарылыннылар. Кыайыылаахтарга анал бириистэр туттарылыннылар, сертификат бэрилиннэ.

Куонкурус спонсордарынан улуустааҕы предпринимательство киинэ (салайааччы Саввинова М.В.), Сунтаар нэһилиэгин дьаһалтата (баһылыгы солбуйааччы Макаров В.С.), «Корона» фирма (салайааччы Львова Н.Г.), «Раиса» маҕаһыын («Гуринова Р.С.» ИП), «Сардаана» киэргэнэр киин («Кириллина А.С.» ИП), ыччат улуустааҕы отделын управлениета, о.д.а. буоллулар.