Кутана орто оскуолатын спортивнай саалатыгар ыытыллыбыт тэрээһин сэттэ түһүмэхтэн турда: автоматы ыһыы, хомуйуу; противогаһы кэтии; боппуруостарга эппиэттээһин; салгын саатынан сыал ытыы; Калашников автоматынан сыал ытыы; байыаннай-медицинскэй, спортивнай күрэс; ырыа күрэһэ, байыаннай формалары көрүү.

Кэлбит хамаандалар бары да көхтөөхтөр, тэрээһиҥҥэ бэлэмнэнэн кэлбиттэрэ өтө көстөр. Күрэс кыайыылаахтарыгар Кутана нэһилиэгин дьаһалтата 10 тыһ. солк. бирииһи олохтоото.

Түмүк маннык буолла: бастакы түһүмэххэ Попов Н.Ф. бастаата, иккис түһүмэххэ Андреев В.Ф., үһүскэ, төрдүскэ тустааҕынан Петров Г.В. уонна Данилов В.В. кыайыылааҕынан буоллулар.

«Үлэҕэ туйгунун иһин» мэтээл кавалера, кадровай булчут Леонид Иванов бирииһигэр ытыыга күрэхтэһиигэ эр дьоҥҥо Геннадий Петров (Сунтаар), дьахталларга Татьяна Павлова (Сунтаар) кыайыылаахтарынан буоллулар.

Күрэхтэһиии Кутана учаастактааҕы балыыһатын профсоюһун бэрэссэдээтэлэ, медсестра Степанова А.А., балыыһа кылаабынай бырааһа Ксенофонтова С.К., завхоз Иванова А.П. уонна оскуола военруга Андреев С.М. тэрийэн,иилээн-саҕалаан ыыттылар.