Дьоро киэһэҕэ 28 ветеран кэлэн дуоһуйа сынньанна. «Киэргэ» фирма лотереятыгар босхо кыттан, улахан аҥардара көмүс киэргэллэри сүүйэн үөрдүлэр-көттүлэр. Итини тэҥэ, барыларыгар Дьокуускай куорат Киин уокурун салайааччы Михаил Гасанбалаев Улуу Кыайыы 70 сыла эмблемалаах анал бэлэхтэри үөрүүлээх быһыыга-майгыга туттарда.

«Киэргэ» ХЭТ салалтатын аатыттан фирма генеральнай дириэктэрин солбуйааччы Галина Павлова: «Улуу Кыайыынан уһансыбыт ветераннары, тыыл ветераннарын ис сүрэхпиттэн эҕэрдэлиибин! Биһиги тэрээһиммитигэр көхтөөхтүк кыттыбыт дьоҥҥо махталбын тиэрдэбин. Күндү дьоммут, этэҥҥэ сылдьыҥ, сиэннэргит, хос сиэннэргит, чугас дьоҥҥун өйөбүллэринэн уһуннук, дьоллоохтук олороргутугар, саха алмааһын курдук кытаанах доруобуйаны, дьолу-соргуну баҕарабын!», – диэн эҕэрдэлээтэ.