Ньурба оройуонугар биир кэлим эксээмэни 397 выпускник долгуйа кэтэһэр. Үөрэх дьылын устата оҕолор утумнаахтык бэлэмнэнэн, сорохтор номнуо дьоһун ситиһиилэннилэр. Кинилэри сэргэ 9-с кылааһы бүтэрээччилэр сүрүн судаарыстыбаннай эксээмэни туттарыахтара.

Оскуоланы бүтэрээччи оҕолор учууталларыгар уонна төрөппүттэригэр эмиэ олус эппиэтинэстээх, долгутуулаах кэм. Манна психологтар өйүүр, сүбэ-ама биэрэр араас хабааннаах үлэни ыыталлар.

Ньурба выпускниктарын, боруобалыыр эксээмэннэр түмүктэринэн кэтээн көрүүнэн, биир кэлим уонна сүрүн судаарыстыбаннай эксээмэҥҥэ бэлэмнэрэ куһаҕана суох. Эксээмэннэри туттарыы ыам ыйын 25 күнүттэн саҕаланыаҕа.