Бэс ыйын 2 күнүнээҕи туругунан «Тумул», «Куолас» ТХПК, «Долоон» ХЭУо ыһыы үлэтин түкүктээтилэр.

1937 гектарга сиик саптарыыта ыытыллыбыт. «Алаас», «Солооһун» ТХПК, С.И.Васильев бааһынай хаһаайыстыбата 62 гектарга эбиэс ыстылар, атын хаһаайыстыбалар эмиэ үлэлииллэр. Туорахтаах культураҕа үлэ бэс ыйын 10-гар, сүөһүгэ эбии аһылык буолар культураны ыһыы от ыйын 1 күнүгэр түмүктэниэхтээхтэр.

Ыһыы сиэмэтин - 140 тоннаны - «Семена Якутии», «Сахакредит», «Котрус» ИП (Жатай), «Хачыкаат», «Тумул» ТХПК-тан атыыласпыттар. Билиҥҥитэ күн-дьыл үлэҕэ мэһэйдэри үөскэтэр.

Хортуоппуйу ыһыы саҕаланна. 26240 кв. м иэннээх теплица сабылынна. 9 гектарга хаппыыста, 1,5 гектарга моркуоп, 1,5 гектарга сүбүөкүлэ олордулунна.

Ыһыы үлэтин хонтуруоллуур оперативнай штаб тэриллибит. Хамыыһыйаны оройуон баһылыгын бастакы солбуйааччы Павел Сазонов салайар.