Сергей Местников ити икки бөдөҥ хампаанньа үптэрин республика иһигэр эрэ эргитэргэ буолбакка, атын страховой өҥөҥү оҥорор ырыынак оонньооччуларыгар дьоһуннаах конкуренция буоларыгар көмөлөһүөҕэ диэтэ.

Санатан эттэххэ, эрдэ биллэриллибитинэн, «Сахамедстрах» акцияларын «Стерх» РСК ААО биэрии быһаарыллыбыта. Бу дьайыылар республика нэһилиэнньэтин страховой өҥөнөн хааччыйыыга тоҕоостоох уонна хаачыстыбалаах буолуо диэн санааттан оҥоһуллубута.

Республика СТЭ-гэр эппитинэн,«Стерх» РСК генеральнай директора, «Сахамедстрах»  директордарын Сэбиэтин бэрэссэдээтэлин солбуйааччы Семен Березин   «акция пакеттарын биэрии былааннаммыт дьайыы буолар, уонна чуолаан стратегическай сыалынан ыытыллар».

«Биһиги үлэбитин «биир түннүк» быһыытынан ыытыахпытын баҕарабыт,оччоҕуна киһи биһиги офиспытыгар кэлэн, булгуччулаах медицинскэй страхование поли6ы уонна ону тэҥэ дьиэтин старховкалыан сөп. Ити сыалтан биһиги хас биирдии оройуоҥҥа бэйэбит холбоһуктаах филиалларбытын уонна бэрэстэбиитэлистибэлэрбитин тэрийиэхпит», - диэтэ кини.

2013 сыллаахха "Стерх" РСК акцияларын уставной хапытаала 638,9 мөл солкуобай буолбута. Хампаанньа республикаҕа социальнай суолталаах эбийиэктэри: үөрэх, доруобуйа харыстабылын, культура уонна спорт тэрилтэлэрин; «хоту таһаҕаһы тиэйии», тыа хаһаайыстыбатын уонна урбаанньыт кутталларын, муниципалитеттар бас билиилэрин страховкалыыр.

Итини таһынан, хампаанньа биир сүрүн үлэтин хайысхатынан дьон олоҕун уонна доруобуйатын, бас билиитин, ону таһынан ханнык баҕарар бас билиини страховкалааһын буолар. Хампаанньа барыта 21 страхование көрүҥүн оҥорор.

«Стерх» РСК Хабаровскайга уонна Москваҕа филиаллардаах уонна бэрэстэбиитэлистибэлэрдээх.