Иван Иннокентьев дьоппуоностуоруйаларынан пьесата эдэр көрөөччү Театрын  репертуарыгар бигэтик киирдэ, ол эрээри публика сценаҕа аҕа саастаах артыыстары көрө үөрэммитэ. Оттон бу сырыыга булкаас састааптара оонньообуттара. Сүрүн герой Таро оруолун «Берегиня» доруобуйаларынан хаарчахтаах тулаайах оҕолорго аналлаах оҕо дьиэтин иитиллээччитэ 14 саастаах Алеша К., оонньоото. Атын оруолларгакыра уонна орто оскуола саастаах ити оҕо дьиэтин оҕолоро кытыннылар. 

– Аан бастаан көрөөччүлэр кыра артыыстары ааспыт сыл сааһыгар көрбүттэрэ, –диэн кэпсээтэ «Якутия» корреспонденыгар бырайыак режиссера, Саха сирин үтүөлээх артыыската  Валентина Якимец. – Оччолорго Тогда «Звездное сердце» ураты бырайыак авторадарынан ХИФУ ФЛФ студеннара буолбуттара. Үтүө санаа көҕүлээһинэ театр уонна оҕо дьиэтин доҕордоһуутугар кубулуйбута. 

Оттон бастаан, театр уус-уран салайааччыта биһиэхэ оҕолору кытта спектакль туруоруҥ диэбитигэр, мин, кырдьык, улаханнык уолуйбутум: сатаныа дуо? Оҕолор эмиэ бэйэлэрэ да куттаммыттар этэ. Оҕолору кытта үлэлиир уустук. Ол кинилэр оҕо дьиэтиттэн сылдьалларыттан буолбатах. Оҕо диэн оҕо. Кинилэри кытта репетициялыыр ыарахан, биһиги оҕолору болҕомтолоохтук үлэлииргэ үөрэппиппит. 

Ол түмүгэр ааспыттааҕы да, билиҥҥи да туруоруулар олус ситиһиилээхтик барбыттара, театр коллектива, артыыстартан саҕалаан художниктарга, музыканнарга, хореографтарга, сцен үлэһиттэригэр тиийэ көмөлөспүттэрэ».

Туруоруу бүтүүтүгэр кыра артыыстар дьоллоно мичээрдээн, идэтийбит артыыстары кытта сценаҕа тахсан, күүстээх ытыс тыаһын уонна оҕо дьиэтин попечительскэй сэбиэтиттэн бэлэх туттулар.