Петр Павлов
Улуу Кыайыы 70 сылыгар тэриллибит парадка саамай көхтөөхтүк Аҕа дойду Улуу сэриитигэр кыттыбыт бэтэрээннээх дьон ыллылар. Кинилэр бэйэлэрин кыайыыны уһансыбыт аҕаларын, эһэлэрин мэтириэтин тутан "Бессмертный полк" колоннаҕа халҕаһалыы хаамтылар.
Ити аата, кыайыылаахтарга сүгүрүйүү, бүгүҥҥү дьоллоох олохпут туһугар охсуспуттарга махтаныы диэххэ сөп.
Биһиги эмиэ, бу улахан тэрээһиҥҥэ эрдэттэн бэлэмнэнэн, эһэбит, кэргэним Мария Константиновна аҕата –Уус-Алдан оройуонун Лөгөй нэһилиэгиттэн Аҕа дойду Улуу сэриитигэр ыҥырыллыбыт Константин Константинович Борисовка (1923-1980), Кыайыыны аҕалсыбыт син эмиэ атын буойуттарга курдук сүгүрүйэн, уолаттарбытын кытта кини мэтириэтин күөрэччи тутан хаамыстыбыт. Кини биһиэхэ бэлэхтээбит эйэлээх, кэрэ олоҕун салгыыбыт. Эһээбитинэн киэн туттабыт.
Быйылгы парадка куорат олохтоохторо көхтөөхтүк кыттыбыттара киһини астыннарар да, долгутар даҕаны. Өскөтүн бу хаартыскаларга билэр дьоҥҥутун көрдөххүтүнэ бука баһаалыста тиэрдээриҥ, көрдүннэр. Махталы кытта!
Стиль и орфография автора сохранены.
Мнение автора может не совпадать с мнением редакции.
Мнение автора может не совпадать с мнением редакции.
Комментарии
Авторизация на сайте через социальные сети