Көрдөрөр-иһитиннэрэр тиһиктэр информацияларынан Вологодскай, Пензенскэй, Нижегородскай, Оренбургскай, Курскай уобаластар уонна Башкирия республикатын баһылыктарын дуоһунастарыттан тохтотуохтара. Колмыкия баһылыгын  Алексей Орлов  иннинэ төһө да эрдэтин иһин Мурманскай уобалас баһылыга  Марина Ковтуну үлэтиттэн уураппыттара. 2014 сыл муус устарыгар Владимир Путин  Егор Борисовы быстах кэмҥэ республика баһылыгын эбээһинэһин толорооччунан анаабыта.

Россия Президенэ Владимир Путин уонна Калмыкия баһылыга Алексей Орлов

Болдьоҕу иннинэ дуоһунастан тохтотуллубут дьон 100 % хаттаан саҥа болдьоххо талыллалларын курдук санаа үөскүөн сөп. Саха сиригэр Егор Борисовы утарааччылар этэллэринэн, экономическай быһыы-майгы мөлтүү турар. Ити мөлтөөһүн Егор Борисовы 2015 сылга хаттаан баһылыгынан таларга мэһэйдиэҕэ дииллэр. Губернатордар бары бу дуоһунаска үлэлээн бүтээттэрин кытта экономическай быһыы-майгы ама, бөрүкүтэ суох буолуо дуо? Саарбахтыыбын. Калмыкияны холобур быһыытынан аҕаллахха, тыа хаһаайыстыбатыгар, промышленноска, атын да эйгэлэргэ букатыннаахтык таҥнастыыны ким да сабаҕалаабат эбээт.

Россия Президенэ Владимир Путин и уонна Саха сирин Президенэ Егор Борисов

Болдьоҕу иннинэ дуоһунастан тохтотуу уопута аан дойдуга баар. Холобур, Великобританияҕа миниистирдэр кабинеттара хаһан да болдьоҕу толору үлэлээбэтэхтэрэ. Саамай албан аатырыы муҥутуур чыпчаалыгар сылдьан үлэттэн ууратыллаллар. Тоҕо бу курдук баһылыктары эрдэ дуоһунастарыттан тохтоттум? Туох-ханнык иннинэ ити федеральнай киин чопчу былаас структуратын региоҥа олохтооһунун кытта ыкса ситимнээх. Ол былаас структурата Россия иннигэр турар социальнай-экономическай соруктары толорууга үлэлиир аналлаах.

Регионнар баһылыктара өссө 1-1,5 сыл устата хас биирдии куолаһы ылар иһин политическай хабыр хапсыһыыны күүтэ сылдьан субъект иннигэр турар сыалы-соругу толоруохтара, олоххо киллэриэхтэрэ диир уустук.

Саха сиригэр буолаары турар быыбар туһунан этэр буоллахха, Егор Борисовы дьон-сэргэ улаханнык өйүүр. Регионнар баһылыктарын ортотугар кини көдьүүстээхтик үлэлиир салайааччы буолан инники кирбиигэ сылдьар. Гражданскай уопсастыба фондата оҥорор рейтинигэр баһылыгы нэһилиэнньэ төһө өйүүрэ, регион социальнай-экономическай сайдыыта, бэчээккэ, телевидениеҕэ тахсыыта, бизнес сайдыыта, о.д.а. аахсыллар.