«Сокуон барыла биир үксүн ыстараабы улаатыннарыыга туһаайыллыаҕа. Ыам ыйыгар сокуон барылын правительство ылыныаҕа уонна Государственнай Мунньахха (Ил Түмэҥҥэ) биэриэҕэ», - диэтэ П.Алексеев.
Ветеринария департамена икки ый устата көдьүүстээхтик үлэлээбит эрээри, Президент ыйааҕа тахсыбытын эрэ кэннэ саҕалаабыт. Ити үлэ эрдэ уонна тиһигин быспакка барыахтаах этэ.
Көрүтэ-харайыыта суох сылдьар ыттар икки оҕону өлөрбүттэрин кэнниттэн икки ый устата бэйдиэ сылдьар ыттар ахсааннарын бэрээдэктиир туһунан республика баһылыгын ыйааҕа тахсыбыта. Ветеринария департамена эппитинэн, кулун тутар 12 күнүттэн улуустарга уопсайа 767 рейдэ ыытыллыбыт. Икки ыйдаах тэрээһин устата бэйдиэ сылдьар 7645 ыт баара быһаарыллыбыт, онтон 6140 ыты тутан суох оҥорбуттар. 137 диспетчердэр сулууспалара тэриллбит. Республика 12 улууһугар — Үөһээ Бүлүүгэ, Бүлүүгэ, Эдьигээҥҥэ, Мэҥэ-Хаҥаласка, Муомаҕа, Намҥа, Аллараа Халымаҕа, Ньурбаҕа, Өймөкөөҥҥө, Чурапчыга, Эбээн-Бытантаайга уонна Дьокуускайга бэйдиэ сылдьар кыыллары тутар 35 пууну тэрийбиттэр. Маны барытын тэрийиигэ уопсайа 9,5 мөл. солк. бэриллибит.
Ветеринария департаменын салайааччыта Лариса Макарова муниципалитеттар ыытар үлэлэрин кэмиттэн кэмигэр бэрэбиэркэлиэҕэ. Муус устартан ыла бэйдиэ сылдьар ыттары дьаһайыы боломуочуйата муниципалитеттарга сүктэриллибитэ.
Бу сыл алтынньытыгар, сэтинньитигэр эмиэ көрүүтэ-истиитэ суох сылдьар ыттар ахсааннарын бэрээдэктииргэ этии киирдэ.
Комментарии
Авторизация на сайте через социальные сети