Манна дьоҕус уонна орто предпринимателлэргэ государство өйөбүлүн туһунан идэлээх дьон сиһилии кэпсээтилэр. Араас куонкурустар, граннар уонна онно кыттыы балаһыанньатын ырыттылар, ыйытыктарга хоруйдаатылар.

Государство өттүттэн өйөбүлүнэн туһанар предпринимателлэр эбийиэктэрин көрдүлэр-иһиттилэр. Удачнайга  Татьяна Столярова салайан үлэлэтэр килиэби астыыр бэкээринэҕэ, балыгы астыыр«Алмар» тэрилтэҕэ (предприниматель Елена Козакова), бытовой тиэхиньикэ «Smile» маҕаһыыныгар (предприниматель Юрий Ершов), пивоны уонна гаастаах, итирдибэт утаҕы оҥорор сыахха («Полярный волк» ХЭТ, салайааччы  Давид Торосян) делегация сырытта.

Сарсыныгар Айхалга «ЭкоПлюс» ХЭТ шинаны оҥорон таһаарар дьоҕус собуот аһыллыытыгар кинилэр сырыттылар.Собуот салайааччыта Вячеслав Ерошкин государство гранын ылбыта уонна «Эколог Якутии-2013» куонкуруһугар бастыҥ табаары оҥорооччу ахсааныгар киирбитэ.

«Family-club» (предпринимательТатьяна Барсукова) бөһүөлэктээҕи баанньыгар, «Анти-лопа» фитнес-кулуупка (предприниматель Ирина Проскурина) «Глория» кэрэ сэбэрэ салонугар (предприниматель Лариса Голобокова) сырыттылар. Ону таһынан «Техстройсервис» ХЭТ уонна предприниматель  Карапет Мхоян килиэби астыыр бэкээринэлэрин көрдүлэр.

Киэһэ «Северное сияние» культура киинигэр бастыҥ үлэлээх предпринимателлэри наҕараадалаатылар.  Дьулустан Николаев Карапет Мхояҥҥа «Лучшие товары и услуги ГЕММА» көмүс мэтээлин туттарда.