«Бу үпкэ-харчыга Хомустаах-Балаҕаннах бөһүөлэктэр икки ардыларыгар газ турбатын, ону таһынан Балаҕаннаах иһинээҕи уонна Үөһээ Бүлүү Андреевскай кыбаарталыгар газ турбаларын тардыахтара», - диэтэ А.Панов.

Кини бастакы солбуйааччытын Павел Ксенофонтовы кытта бэс ыйын 12-14 күннэригэр Бүлүү уонна Үөһээ Бүлүү улуустарыгар сырыттылар. Техническэй докумуону оҥорууга кэккэ ыарахаттартан сылтаан Үөһээ Бүлүү «Ыччат» микрооройуонугар кыһалҕа үөскээбит. Ол курдук, газ турбаларга тиэрдиллибэт.  «Геодезическэй устуу суоҕуттан кыһалҕа үөскээтэ. Оттук кэмигэр диэри тилэри быһаарыахпыт», - диэтэ Ксенофонтов. 

Оройуоннарга сылдьан кинилэр газ тиһигин тардыыга анаммыт элбэх мунньахтары ыыттылар. Муниципалитеттарга үп-харчы кырыымчыга газка тустаах боломуочуйаны харгыстаабыт.

Промышленность министиэристибэтин салайааччылара Кыһыл Сыырга «ЯТЭК» ААО гааһы уонна газ конденсатын хостуур эбийиэктэригэр сырыттылар.