Балыктааһын федеральнай агентсвотын баһылыга, РФ-ҕа тыа хаһаайыстыбатын миниистирин солбуйааччы Илья Шестаков от ыйын 22 күнүгэр Тиксии олохтоохторун кытта көрүстэ.

Булуҥ улууһун баһылыга Константин Шахурдин  улууска балыктааһын табаны иитиини уонна кыылы бултааһыны кытта биир тэҥэ кэккэҕэ турарын, биир тэҥ суолталааҕын бэлиэтээтэ.

СӨ бырабыыталыстыбатын бэрэссэдээтэлин солбуйааччы Петр Алексеев Тиксиигэ кэлбит бөлөх “Чекуровка” балыктыыр учаастакка, онтон “Тиит-Арыы” ХЭТ балыксыттарыгар сылдьан быһыыны-майгыны, үлэни кытта билсиэхтэрин туһунан эттэ.

Кини уу биологическай реурсатын управлениетын салайааччытын Петр Артамоновы  кытта ити учаастактарга урукку өттүгэр сылдьыбыттарын бэйэбиттэн эбэн этиэхпин сөп.

2016 сылга диэри балыктааһын салаатын сайыннарар бырагырааманы уонна 2020 сылга дылы балык хаһаайыстыбатын комлексын сайыннарыы концепциятын тыа хаһаайыстыбатын уонна ас-үөл политикатын министиэристибэтэ оҥоро сылдьарын туһунан 2013 сылга көһө сылдьар мунньахха этэн тураллар. 2020 сылга диэри концепцияҕа 1,5 млрд. солк. ананыахтаах.

Сөбүлээччи балыксыттарга квоталааһыҥҥа кэккэ кыһалҕа баарын, от ыйын 24 күнүгэр федеральнай агенство киэҥ ыҥырыылаах мунньаҕа ыытылларын туһунан П.Алексеев бэлиэтээтэ. Бу мунньахха Саха сирин баһылыгын эбээһинэһин быстах кэмҥэ толорооччу Егор Борисов, Росрыболовство салайааччыта И. Шестаков, муниципальнай тэриллиилэр баһылыктара, балыктыыр уонна балыгы астыыр тэрилтэлэр салайааччылара кыттыахтара.