РФ СК силиэстийэлиир управлениетын салайааччытын солбуйааччы  Николай Алексеев эппитинэн, 2014 сыл тохсунньутуттан бэс ыйыгар диэри өрөспүүбүлүкэҕэ уопсайа5510 буруйу оҥоруу бэлиэтэммит. Бу былырыыҥҥыны кытта тэҥнээтэххэ, 0,7% бырыһыанынан улахан. Саха сирин 22 оройуонугар буруйу оҥоруу көрдөрүүтэ өрө тахса турар. Ол курдук, Намҥа үрдээһин 84%, Муомаҕа - 75%, Үөһээ-Дьааҥыга - 64,1%, Сунтаарга - 46,8%, Аммаҕа - 45,7%. Сорох улуустарга буруйу оҥоруу аччаабыта бэлиэтэнэр: Үөһээ-Халымаҕа намтааһын 44,2%, Горнайга - 43,5%, Өлөөҥҥө - 34,5%, Тааттаҕа - 34,3%.

Ураты ыарахан буруйу оҥоруу көрдөрүүтэ 365-тэн 346 диэри аччаабыт. Намтааһын 40%. Бу - Дьокуускайга. Ленскэйгэ ураты ыарахан буруйу оҥоруу 23% эбиллибит.

2014 сыл алты ыйын түмүгүнэн 1683 буруйу итирик туруктаах сылдьан оҥорбуттар. Булуҥҥа, Эдьигээҥҥэ, Уус-Маайаҕа, Намҥа, Кэбээйигэ, Усуйаанаҕа, Анаабырга көрдөрүү билигин да үрдүк.