«Кыыс реанимацияттан гастроэнтерологическай отделениеҕа көһөрүлүннэ. Кинини кыра-кыралаан аһаталлар», - диэтэ 1-кы №-дээх балыыһа педиатрическэй киинин сэбиэдиссэйэ Людмила Николаева.

Медиктэр эппиттэринэн, оҕо доруобуйата чөлүгэр түһэн эрэр. Дьону кытта кэпсэтэр-ипсэтэр. Аттыгар ийэтэ баар.

Кыыс от ыйын 29 күнүгэр сүппүтэ. Ийэтэ атырдьах ыйын 2 күнүгэр эрэ оҕо сүппүтүн туһунан айдааны тарпыта. Каринаны аҕата ылбыта буолуо дии санаан кыыс сүппүтүн тута билбэтэх. Оттон аҕата кыыһын ылбатаҕа биллибитин эрэ кэнниттэн көрдөөбүттэрэ. Оҕо 10 суукка устата соҕотоҕун ойуурга сылдьыбыт. Атырдьах ыйын 9 күнүгэр быыһааччылар буланнар, медицинэ киинигэр аҕалбыттара.