Манна Чурапчы, Уус-Алдан, Мэҥэ-Хаҥалас, Таатта улуустарыттан аҕалыллыбыт ынах, убаһа этэ, иһэ, быара, тыла, ынах арыыта, о.д.а. атыылыыр эрээттэргэ хото тардыллыбыта.

Дьаарбаҥка кэмигэр это бородууксуйатыгар сыана атыы кииннэриттэн улахан уратыта суох буолан биэрдэ. Оннук, ынах этин сыаната саамай чэпчээбитэ - 400 солк. Оттон убаһа этэ, сымнаҕас өттө 600 солк. быһылынна. Таатта убаһатын этэ — 800 солк. диэри тиийдэ.

Кутуллубут хаан 1200, быар — 2000, харта 800 солк. турда.

«Дьаарбаҥка кэмигэр сыана саатар 5-10 % арыый чэпчэки буолуо дии санаабыппыт, онтубут үлүгэрдээх үрдүк сыана. Инньэ гынан эт атыыласпат буоллаҕым», - диир атыылаһааччы.

Ынах арыытын ылыан баҕалаахтар унньуктаах уһун уочаракка турдулар. Манна биир киилэ арыы 400 солк. хамаҕатык атыыланна. Барыллаан аахтахха, биир дьааһык арыы 8000 солк. буолар. 

 
Эт, арыы сыаната төһө да үрдүгүн иһин, хаачыстыбата онно эппиэттэһэр. Бу күн дьон арыыны дьааһыгынан, эти куулунан атыыластылар.