Мэҥэ-Хаҥалас уонна Тамбов уобалас дьаһалталара киирпииччэни оҥорор собуокка сырыттылар. Алтынньы 21 күнүгэр Саха сирин делегацията Кытайга тиийдэ. Юань-Дунь (КНР) компанияны кытта Кытай авто уонна анал тиэхиньикэтин, табаарын өрөмүөннүүр өҥөнү оҥорор уонна саппаас чааһы атыылыыр холбоһуктаах тэрилтэни үлэлэтэр туһунан ырыттылар. Ону таһынан кинилэр Ненцзян тиийэннэр сибиинньэни иитиини, туорах культуратын үүннэриини, куурдуллубут үүтү оҥорууну кытта билистилэр. Хардарыта бииргэ үлэлээһиҥҥа анаммыт боротокуолу толордулар.

Саха сирин делегацията Амурга уонна Кытайга сылдьыытын Уһук Илин федеральнай уокуругар Саха сирин бастайааннай бэрэстэбиитэлин солбуйааччы  Олег Смирнов  тэрийдэ.