Кини этэринэн, өссө сэтинньи 16 күнүгэр киэһэ хойут Саха сирин быыһыыр Сулууспатыгар ыксаллаах биллэрии киирбитэ: Нам уонна Кэбээйи улуустарын кирбиилэригэр баар Серенях күөлгэ ГАЗ-66 массыына (кунг) муус анныгар түспүт.

Дьолго, толук суох: алта булчут (бары Дьокуускай олохтоохторо), онно олорон бултуу баран испит дьон, тутуу былдьаһан массыынаттан ыстанан кэбиспиттэр. Биир киһилэрэ спутниковай телефоннаах эбит, онон аҕатыгар эрийэн, туох буолбутун кэпсээбит, быыһааччыларга эрийэригэр көрдөспүт.

Түүнү быһа эмсэҕэлээбит дьон массыына аттыгар олорон, кутааҕа иттибиттэр.

Биллэрии киирэрин кытта Серенях күөлгэ түөрт быыһыыр Сулууспа үлэһиттэрэ "УРАЛ" массыынанан барбыттар (салайааччы – Максим Колесов). Бу диэки «Сахатранснефтегаз» газопровода ааһар, оттон 70 километрдээх сиргэ бу хампаанньа базата үлэлиир, онно икки «Урал» баар, олор булчуттары ылыахтарын сөбө. Быыһааччылар «Сахатранснефтегаз» салалтатыгар эрийэн, кинилэргэ көмө буолан, көрдүү баралларыгар көрдөспүттэр, ону ылыммыттар.

Өрөбүл сарсыарда 9 чааска быыһааччылар булчуттары булбуттара, ол кэнниттэн сотору буолаат, онно «Сахатранснефтегаз» массыыналар тиийбиттэр. Булчуттары дьиэлэригэр аҕаллылар.