"Биһиги үрдүк технология эйгэтигэр аан дойдуга бастыҥ "Самсунг" хампаанньаны кытта кэпсэтиилэри ыытабыт. Кинилэр саҥа IT-паркаҕа кэлэр кэм оборудованиетын туруорууга көмөлөһөргө бэлэмнэр", - диэтэ Семенов Дьокуускайга Санкт-Петербург күннэрин чэрчитинэн ыытыллыбыт инновацияларга аналлаах төгүрүк остуолга.

Бу киэҥ далааһыннаах бырайыактыра олоххо киллэриигэ уонна аан дойдутааҕы ырыынакка, бастатан туран, Азияҕа тахсарга көмөлөһүө. "Үрдүк технологиялар кэскиллэрэ чопчу Азия ырыынагар сытар", - диэтэ Семенов эрэллээхтик.

Кини саха программистарын ситиһиитэ Америка ырыынагар номнуо баар диэн чопчулаата. "Саха сирин технопаркатын резиденэ "Сулус геймс" Америка континеныгар таҕыста, онно бэйэтин бородууксуйатын таһаарда, - диэтэ кини. - Кинилэр оонньуулара мөлүйүөнүнэн тиражтанан Хотугу Америкаҕа тарҕанна". "Кинилэр аан дойду таһымыгар тахсыбыт маҥнайгы Саха сирин IT-хампаанньата буоллулар", - диэн киэн тутта кэпсээтэ Семенов.