Тыһыынчанан биир дойдулаахтарбыт үлэҕэ, кыргыһыы толоонугар бэйэлэрин эрдээх буолууларын, булгуруйбат санааларын, кыайыыга дьулуурдарын көрдөрбүттэрэ.
Бүгүн дойду бэйэтин чулуу уолаттарын — Совесткай Союз Геройдарын, Российскай Федерация Геройдарын, Албан Аат уордьан кавалердарын чиэстиир.
Саха Республикатын киэн туттуутунан 25 Совесткай Союз Геройа, 2 Российскай Федерация Геройа уонна 5 Албан Аат уордьан кавалердара буолаллар. Кинилэр хорсун быһыылара, эр санаалара Аҕа дойдуга муҥура суох бэриниилээх буолуу чаҕылхай холобурунан буолаллар, Ийэ дойдубут модун күүһүн бөҕөргөтүүгэ таһаарыылаах үлэҕэ көҕүлүүр.
Бу үөрүүлээх күн кыргыһыы толоонугар хорсун быһыыны көрдөрөн, эйэлээх кэмҥэ үрдүк ситиһиилэнэн государство үрдүк наҕараадатынан бэлиэтэммит биир дойдулаахтарбытыгар ытыктабыл, махтал истиҥ тылларын аныыбыт.
Барыгытыгар кытаанах доруобуйаны, этэҥҥэ буолууну, дьолу-соргуну, нус-хас олоҕу баҕарабын!
Галина Данчикова, Саха Республикатын Правительствотын Председателэ
Комментарии
Авторизация на сайте через социальные сети