«Биһиэхэ 2011 сыллаахха «2012-2016 сылларга научна-техническэй инновационнай сайдыы» диэн государственнай программа ылыныллыбыта. Программа үс подпрограммаҕа арахсар, итини биһиги сөптөөх быһаарыы дии саныыбыт. Бастакы подпрограмма инновационнай дьайыыны үбүлээһин уонна инновационнай сайдыыны үбүнэн хааччыйыы буолар. Иккис подпрограмма — инфраструктура сайдыыта — техно-паркалары тутуу, венчурнай хампаанньалары тэрийии уонна наукалар академияларын үлэлэтии», - диэн кэпсээтэ сэтинньи 25 күнүгэр буолбут инновационнай үлэ мунньаҕар Артур Хохолов.

Кини подпрограмма үс кэрдиистээх инновационнай лифт буолар: бастакыта - ыһыы — граннар конкурстара, иккис - стартап - бытархай инновационнай тэрилтэлэргэ субсидия биэрии, уонна үсүһэ - оҥорон таһаарыыны сайыннарыы, диэн бэлиэтээтэ.

«Биһиги ити туттуллубут харчыны отчуоттууру ирдээбэппит, ол оннугар дьон биэс сыл устата инновационнай үлэнэн дьарыктаналларын хааччыйабыт. Биэс сыл устата кинилэр оҥоһуллубут таблицанан инновационнай оҥорон таһаарбыттарын отчуоттууллар, оттон сатаан оҥорботохторуна, харчыны төттөрү биэриҥ диибит», - диэн эбэн эттэ Хохолов.