Ем. Ярославскай аатынан музейга «Ньурба түмэллэрин сэдэх экспонаттара» быыстапка аһыллыыта үөрүүлээх быһыыга ааста. Тэрээһиҥҥэ барыта 100-чэ киһи кытынна. Улуус баһылыга Борис Попов биир дойдулаахтарын истиҥник эҕэрдэлии  көрүстэ.

Ньурбатааҕы Доҕордоһуу түмэлин төрүттээччи Ксенофонт Уткин бу маннык көһөн кэлэн туруоруллубут түмэл быыстапката өрөспүүбүлүкэ историятыгар бастакынан буолла диэн бэлиэтээтэ.

Быыстапкаҕа улуус нэһилиэктэрин, оскуолаларын түмэллэриттэн хомуллубут 100-тэн тахса сэдэх экспонат: Ньурба улууһун баай историятын кэпсиир өбүгэлэрбит туттар маллара, улуус сиригэр-уотугар булуллубут былыргы аттаах көмүү экспонаттара, кельт сүгэтэ уонна да атын историческай уонна археологическай улахан суолталаах булумньулар көрдөрүүгэ туруорулуннулар. Быыстапка ахсынньы 13 күнүгэр диэри үлэлиирэ былааннанар.

Маны таһынан, Саха национальнай архыыбыгар нэдиэлэ устата Ньурба төрүттэммитин кэпсиир былыргы, сэдэх докумуоннары көрдөрүү экскурсията ытыллыа.

Ньурба күннэригэр анаан улуус олоҕун-дьаөаҕын туһунан куорат дьонугар киэҥник сырдатыы эмиэ ыытыллар, «Саха» НКИК тэлэбиисэринэн, араадьыйанан ханаалларыгар улуус олоҕун кэпсиир биэриилэр, быһа эфирдэр ахсынньы ый саҕатыттан тахса тураллар. Хаһыаттарга, интернет сайтарга элбэх матырыйаал таҕыста.