ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Похожие новости

18 декабря 2014, 12:51

Мэҥэ-Хаҥалас Нөөрүктээйи нэһилиэгэр гаас кэлбитэ 10 сылын бэлиэтээтилэр


Айылҕа гааһын ситимэ Өлүөнэ эбэни уҥуордаан улууспут сиригэр-уотугар тэнийэригэр уопсайа 352 км 602 м усталаах гаас турбата тардыллыбыта. Күн-бүгүн улууспутугар 32 хочуолунай, 3458 ыал дьиэтэ гааһынан оттуллар, сылытыллар. Аҕыйах хонуктааҕыта Нөөрүктээйи нэһилиэгэр айылҕа гааһын ситимэ өрүс уҥуор тиэрдиллибитэ 10 сылын бэлиэтиир дьоро киэһэ буолла. Дьон олоҕун усулуобуйатын сүрдээҕин чэпчэппит гаас ситимин хааччыйыыга билигин 62 киһи үлэлиир, 5 учаастак баар.
Мустубут дьону, гаас үлэһиттэрин улуус баһылыга Николай Старостин, СР Промышленноһын департаменын салайааччы Николай Тарскай, СР Счетнай палататын аудитора Владимир Птицын, Ил Түмэн бэрэссэдээтэлэ Александр Жирков сүбэһитэ Петр Васильев, Государственнай Мунньах бастайааннай хамыыһыйатын бэрэссэдээтэлэ Александр Романов общественнай көмөлөһөөччүтэ Василий Эверстов, "Сахатранснефтегаз" ААО генеральнай директорын сүбэһитэ Валерий Иванов, "Сахатранснефтегаз" ААО гаас ситимин аттарар управлениетын салайааччыта Айаал Егинов, гаас магистральнай ситимин управлениетын начальнига Владимир Заровняев, улуустааҕы учаастак салайааччыта Анастасия Федорова, Нөөрүктээйи нэһилиэгин баһылыга Павел Сазонов уонна нэһилиэк депутаттарын сэбиэтин бэрэссэдээтэлэ Прокопий Макаров эҕэрдэлээтилэр.
Бу күн бастыҥ үлэһиттэри үөрүүлээх быһыыга-майгыга наҕараадалаатылар. СР Олох-дьаһах коммунальнай хаһаайыстыбатын уонна энергетика министерствотын Бочуотунай грамотатын "Нордтранстрой" ХЭТ механигар Федор Колосовка, СР Транспорка уонна суол хаһаайыстыбатыгар министерствотын Махтал суругун "Нордтранстрой" ХЭТ суоппарыгар Иван Прокопьевка, СР Промышленноска министерствотын Махтал суругун "Нордтранстрой" ХЭТ бульдозерын машиниһыгар Ньургун Федоровка, Ил Түмэн Тутууга уонна олох-дьаһах коммунальнай хаһаайыстыбатын комитетын Бочуотунай грамотатын "Нордтранстрой" ХЭТ трубоукладчик машиниһыгар Егор Черноградскайга, тэрилтэ слесарыгар Николай Яковлевка туттардылар.
Улуус дьаһалтатын грамотатынан: Павловскайдааҕы учаастак маастара Сергей Пак, суоппар Василий Саввин, улуустааҕы учаастак салайааччыта Анастасия Федорова; улуус баһылыгын Махтал суругунан: "Якутгазстрой" ХЭТ тракториһа Михаил Алексеев, магистраль слесардара Максим Баишев, Михаил Баишев, улуустааҕы учаастак аварийнай-диспетчерскэй сулууспатын слесара Александр Борисов, Тараҕай нэһилиэгин баһылыгын солбуйааччыта Акулина Бурнашева, аварийнай-диспетчерскэй сулууспа диспетчерэ Лена Васильева, "Туймаада-групп" ХЭТ кылаабынай специалиһа Айхаан Габышев, "Туймаада-групп" ХЭТ генеральнай директора Ариан Габышев, магистраль слесара Егор Максимов, Табаҕатааҕы учаастак страшай маастара Иван Марков, "Сельгазстрой" ХЭТ директора Александр Намын, "Туймаада-групп" ХЭТ специалиһа Мария Неустроева, "Ленагаз" ХЭТ сварщига Гаврил Никифоров, буровой техника суоппара Николай Петров,"Ленагаз" ХЭТ слесара Эдгар Попов, "Ленагаз" ХЭТ сварщига Валентин Слепцов, Павловскайдааҕы учаастак слесара Александр Старостин, оройуон Сэбиэтин Бочуотунай грамотатынан "Туймаада-групп" ХЭТ тырахтарыыһа Петр Неустроев уо.д.а. наҕараадаланнылар.
"Сахатранснефтегаз" тэрилтэ гаас ситимин аттарар управлениетын салайааччыта Айаал Егинов улуустааҕы учаастак салайааччытыгар Анастасия Федороваҕа 25 тыһыынча суумалаах сертификаты туттарда уонна акционернай тэрилтэ аатыттан Бочуотунай грамоталары улуустааҕы учаастак слесардарыгар Владимир Баишевка, Егор Лонгиновка; Махтал суруктары импортнай гаас оһохторун сулууспатын инженеригэр Егор Евстафьевка, учаастак слесарыгар Эрчим Захаровка, аварийнай-диспетчерскэй сулууспа операторыгар Сардаана Романоваҕа туттартаата.
Наҕараадаламмыттары Нөөрүктээйи эдэр талааннара кэнсиэр көрдөрөн эҕэрдэлээтилэр.
При частичном или полном использовании материалов гиперссылка на сайт ysia.ru обязательна.
Категория: Территория Просмотров: 1938 Источник: ЯСИА Автор: Виктория БЕЛОЛЮБСКАЯ. Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ