Суут быһаарбытынан, бу дьыл от ыйын 14 күнэ үүнэр түүнүгэр Виктор Иванов соруйан өлөрөр санааттан Сергей Мекюрдяновка дьиэтигэр тиийэн, биэстэ саанан ыппыт. Итиэннэ киниттэн тутулуга суох быһыыттан-майгыттан сиэттэрэн, ол санаатын ситиспэтэх.

Суут кинини РФ ХК 30-с ыст. 3 чааһа – 105-с ыст. 1 чааһынан, ол эбэтэр, киһини соруйан өлөрүүгэ холонууга буруйдааҕынан билинэн, 9 сылга кытаанах режимнээх холуонньаҕа көҥүлүн быһарга бириигэбэрдээтэ. Маны сэргэ, 1 мөл.солк. суумалаах моральнай, 160 тыһ.солк. материальнай хоромньуну төлүүргэ уурда.

Сууттанааччы Ивановка харыларыгар наручник кэтэрдэн, хонбуойдар суут саалатыттан тутан бардылар. Кини адвоката Прометей Ефимов эппитинэн, бу бириигэбэри СӨ Үрдүкү суутугар ааһыналлар.