Саха сирин предпринимательствоҕа, туризм сайдыытыгар министиэристибэ, Санкт-Петербургтааҕы «Нева биэрэгэ» фестиваль, Дьокуускай куорат дьаһалтата, парикмахердар, визажистар уонна косметологтар өрөспүүбүлүкэтээҕи сойуустара, М.К.Аммосов аатын ХИФУ, кэрэ сэбэрэ индустриятын үлэһиттэрин өйүүр уопсастыбаннай фонда фестивалы "Триумф" уораҕайыгар  иилээн-саҕалаан ыыталлар.

Фестиваль кыттыылаахтара парикмахердар, визажистар, уо.д.а ураты кэрэ сэбэрэни оҥорууга илин-кэлин түсүһүөхтэрэ, сатабылларын, дьоҕурдарын көрдөрүөхтэрэ. Модельердар бастыҥ коллекциялара, эстрада сулустарын концера фестиваль кыттыылаахтарын уонна ыалдьыттарын болҕомтолорун киинигэр буолуоҕа.

Фестиваль чэрчитинэн араас ис хоһоонноох быыстапкалары, уопуту атастаһыыны тэрийиэхтэрэ, кэрэ эйгэтин бородууксуйатын киэҥник атыылыахтара.