Ыалдьыттар “Ийэ тыл - олох ситимэ” диэн кинигэ быыстапкатын улаханнык сэҥээрдилэр. Кылаабынай библиотекарь Наталья Ефремова сахалартан бастакы учуонай-лингвист С.Новгородов “Во имя просвещения родного народа”, Саха сирин народнай суруйааччыта Д.К.Сивцев – Суорун Омоллоон “Төрөөбүт тылбыт”, публицист М.П.Алексеев – Дапсы “Биһирэм тыл”, С.Попов уонна Г.Андросов “Былыргы сахалар суруктара-бичиктэрэ” , о.д.а. кинигэлэр тустарынан элбэҕи кэпсээтэ.

-- Маны сэргэ, “Мадьынылар” уонна “Урааҥхай” хамаандалар төрөөбүт тылга, литератураҕа анаммыт викторинаҕа көхтөөхтүк кытыннылар. Суруйааччылары уонна кинилэр айымньыларын, өс хоһооннору, таабырыннары таайдылар. Сурукка-бичиккэ төһө болҕомтолоохторо бэрэбиэркэлэннэ., “тоҕус төгүл тоҕо” ыйытыыларга хоруйдаатылар. Түмүккэ колледж устудьуоннарын “Мадьыны” хамаанда бастаан улаханнык үөрдүлэр, -- диэн кэпсиир библиотекарь Оксана Степанова.

Ыччаттар туһалаах, сэргэх викторинаттан, тэрээһинтэн улаханнык астыммыттарын биллэрдилэр. Библиотека үлэһиттэригэр махтаннылар итиэннэ өссө да маннык көрсүһүү буоларыгар, викториналар ыытылла туралларыгар баҕардылар.