Нэһилиэккэ бэтэрээн сэбиэтэ көхтөөхтүк үлэлиир. 2013 сылтан сэбиэти Мария Филипповна Третьякова айымньылаахтык салайар. Кырдьаҕастар уопсай сүбэнэн айа-тута, көмөлөсүһэ олороллор. Түмсүүлэрин “Дьулуур” диэн ааттаабыттар.

Бу сылга киирэн баран кинилэр үһүс сүбэ мунньахтара буолла. Ол курдук кэлэр ыйга Ойуһардаахха ыытыллыахтаах бэтэрээннэр спартакиадаларыгар хамаанданы сүүмэрдээһин буолла. Санатан эттэххэ, бу иннинэ хатыҥнаахтар 7 спартакиадаҕа кыттан, кэккэ ситиһиилэрдээхтэр. Кэнники сылларга Хатыҥнаах нэһилиэгэр Берёзовка аҕыйах бэтэрээнэ кыттыһан, биир хамаанда курдук кытталлара. Бу сырыыга хатыҥнаахтар толору хамаанданан кыттар күүстээх санаалаахтар.

Сэбиэт бэрэссэдээтэлэ М.Ф.Третьякова үлэтин-хамнаһын бу курдук кытта билиһиннэрдэ:

— Сыл саҥатыгар ааспыт сыллааҕы үлэм түмүгүн, иккис мунньахха зонатааҕы спартакиада балаһыанньатын кытта билиһиннэрбитим. Бэтэрээннэр хаһан баҕарар, ханна баҕарар олус көхтөөх дьон. Олоҕу олорбут, баай уопуттаах дьон буолан, туруоруллубут сыалы ситиһэргэ, бэриллибит сорудаҕы толорорго олус эппиэтинэстээхтик сыһыаннаһаллар. Бары нэһилиэкпит чэчирии сайдарын туһугар кыһаллабыт.

Бэйэбит киэн туттар дьонноохпут. Ол курдук, нэһилиэкпит баһылыга Пётр Петрович Сибиряков ааспыт сыл түмүгүнэн улуус бастыҥ үлэлээх баһылыгынан билилиннэ, чааһынай предприниматель Андрей Иннокентьевич Слепцов саҥа култуура дьиэтин дьэндэтэн таһаарда, “Чугдаар” оҕо ансаамбыл салайааччыта Мария Афанасьевна Кудрина РФ култууратын бастыҥ үлэһитэ үрдүк аакка тигистэ. Маннык ситиһиилэртэн киһи астынар, бу, биллэн турар, барыта сыралаах үлэ түмүгэр ситиһиллэр. Онон биһиги дьоммут дойдуга тиийэ биллэллэриттэн олус астынабыт, киэн туттабыт.

Букурдукайымньылаахтык, бэйэ-бэйэҕэкөмөлөөхтүкүлэлии-харалыыолороллор — үбүлүөйдээхнэһилиэкытык-мааныбэтэрээннэрэ. Көрсүһүүкэмигэр 55 саастарынтуолбутүбүлүөйдээхтэричиэстээтилэр, бэлэхтуттардылар. Ононуратыистиҥ, сылаастэрээһиныытылынна. Түмүккэ, хаартыскаҕатүстүлэр, итиэннэкүнбүгүнтурарсорукка — спартакиадаҕачиэстээхтиккыттаргабаҕасанааэтилиннэ.