Баал СР культуратын үтүөлээх үлэһитэ, СР культуратын туйгуна, улуус ытык киһитэ Любовь Алексеевна Андросова салайар "Ретро-Данс" үҥкүү коллективын вальс үҥкүүтүнэн саҕаланна.

Дьоро киэһэни салайан ыытааччылар музыка уонна дохсун ытыс таһыныы доҕуһуолунан сыанаҕа коллективтары таһаартаан билиһиннэрбиттэрин кэннэ, бэрэстэбиитэллэр пааранан Па Де Грас үҥкүүнү сааланы иилии эргийэн үҥкүүлээтилэр.

Ол кэнниттэн "Нам улууһа" МТ баһылыгын көмөлөһөөччүтэ Сергей Сергучев, Нам улууһун культураҕа уонна духуобунай сайдыыга управлениетын начальнига Елена Заровняева, культура үлэһиттэрин идэлээх сойуустарын председателэ Раиса Горохова, Н.М. Рыкунов аатынан киин библиотека директорын солбуйааччы Зинаида Лукина, улуус сэбиэтин депутата Алексей Винокуров уонна нэһилиэктэр баһылыктара: Семен Ядреев (Үөдэй), Алексей Зырянов (Партизан), Алексей Пинигин (Хатырык), Евгений Федотов (Таастаах) культура үлэһиттэрин эҕэрдэлээтилэр уонна бастыҥ үлэһиттэргэ республика, улуус наҕараадаларын, номинациялар кыайыылаахтарыгар анал бэлиэни уонна сибидиэтэлэстибэни үөрүүлээх быһыыга-майгыга туттардылар:

Ол курдук, Н.М. Рыкунов аатынан библиотека завхоһа Е.А. Протопопова СР Культураҕа министерствотын Бочуотунай грамотатынан наҕараадаланна.

"Нам улууһа" МТ баһылыгын Бочуотунай грамотатынан наҕараадаланнылар: Намнааҕы киин библиотека отделын сэбиэдиссэйин э.т. К.К. Попова; "Сайдыы" СК директора А.Г. Винокурова (Хатыҥ Арыы); "Түһүлгэ" СК мелодиһа С.А. Находкин (Хамаҕатта); "Түһүлгэ" СК звукорежиссера С.А. Находкин; "Чороон" СК тех-үлэһитэ Л.В. Ильина (Хатыҥ Арыы).

Улуус баһылыгын Махтал суруктарынан наҕараадаланнылар: У.К. Новгородова (Нам), Р.М. Никитина (Никольскай), А.Е. Нератова (Никольскай).

Улуус культураҕа управлениетын Бочуотунай грамотатынан наҕараадаланнылар: Н.М. Прокопьева (I Хомустаах), Е.В. Слепцова (II Хомустаах), С.Н. Ядрихинская-Попова (Модут), М.Э. Ядреева (Үөдэй), А.А. Алексеева (Партизан), А.И. Васильев (Хатыҥ Арыы), Е.Д. Николаева (Үөдэй), А.В. Иванова (Үөдэй), Н.П. Никонова (Партизан), А.С. Корнилова (Партизан).

"Нам улууһун культуратын бочуоттаах үлэһитэ" бэлиэнэн наҕараадаланнылар: О.П. Емельянова, А.С. Келина, В.Н. Тихонова, Ф.Н. Лукина, Д.П. Федоров, Т.Р. Соловьева, П.М. Сидорова, В.Ф. Орлов.

Культура управлениетын Махтал суругунан А.А. Никифорова (Модут) наҕараадаланна.

Нам улууһун культуратын үлэһиттэрин икки ардыларыгар 2010 сылтан саҕалаан анал ааттар (номинациялар) сыл аайы иҥэриллэр буолбуттара үгэскэ кубулуйда. Ааспыт сыл түмүгүнэн бу үрдүк аат хаһаайыннарынан буоллулар:

-- "Сыл бастыҥ мелодиһа" -- С.П. Орлова (1 Хомустаах);

-- "Бастыҥ айар бырайыак" -- "Коробейниктар" (салайааччы О.А. Новгородова);

-- "Сыл бастыҥ тэрилтэтэ" -- "Түһүлгэ" СК (салайааччы А.А. Харитонова, Хамаҕатта);

-- "Бастыҥ айар коллектив" -- "Айылҕан" үҥкүү коллектива (салайааччы М.С. Попова);

-- "Сыл инники эрэлэ" -- А.В. Абрамова ("Алаас" СК директора, Искра);

-- "Сыл бастыҥ уус-уран салайааччыта" -- Л.А. Максимова (II Хомустаах);

-- "Сыл бастыҥ народнай коллектива" -- "Мичээр" ОКРДНТА (I Хомустаах, салайааччы Т.Ф. Филиппова);

-- "Сыл бастыҥ музееведа" -- Р.Л. Федоров (Нам, П.И. Сивцев аатынан музей);

-- "Сыл бастыҥ библиотекара" -- В.Е. Бережнева (Н.М. Рыкунов аатынан библиотека);

-- "Сыл бастыҥ педагога" -- Е.К. Иванова (З.П. Винокуров аатынан искусство оскуолата);

-- "Сыл бастыҥ сырдатааччыта" -- И.И. Иванов ("Эҥсиэли" хаһыат корреспондена);

-- "Сыл бастыҥ профсоюзнай салайааччыта" -- Н.В. Петрова (кулууп үлэһиттэрин профкомун председателэ);

-- "Сыл бастыҥ социальнай партнера" -- А.М. Пинигин (Хатырык нэһилиэгин баһылыга).

Тэрээһин үөрүүлээх түһүмэҕин кэнниттэн баал үҥкүүлэрин биир идэлээхтэр күргүөмүнэн үҥкүүлээтилэр. Саха эстрадатын сулустара: Ильдар, Геннадий Семенов-Урааҥхай, Тахмина Степанова, Кэскил Баишев шоу-дискотеканы ыллаан-туойан, олус бэркэ тэрийэн ыыттылар.