Оройуон дьаһалтатын аактабай саалатыгар толору мустубут общественность бэрэстэбиитэллэрин уонна тэрилтэлэр салайааччыларын Аҕа дойду сэриитин кыттыылаахтарыгар, тыыл бэтэрээннэригэр ананар үтүө санааланыы телемарафона саҕаламмытынан итиитик-истиҥник эҕэрдэлээтилэр — Александрова Л.В., оройуон дьаһалтатын баһылыгын социальнай боппуруостарга солбуйааччы, Николаев Е.И. — бэтэрээннэр оройуоннааҕы Сэбиэттэрин солбуйааччы бэрэссэдээтэлэ, Стручков Н.М. — кырдьаҕастар Ытык сүбэлэрин бэрэссэдээтэлэ уонна да атын үөрүүлээх тэрээһин кыттыылаахтара.

Павлова С.П. — оройуон дьаһалтатын кэлэктиибин аатыттан, Романов В.Н. — Өлөөн национальнай нэһилиэгин дьаһалтатын баһылыга, Алексеева О.Е. — Кирбэй нэһилиэгин дьаһалтатын баһылыгын солбуйааччы, Никифорова Х.Ю. — Солоҕоон нэһилиэгин дьаһалтатын бэрэстэбиитэлэ, Кириллин Н.Н. ДьУоКХ бэрэстэбиитэлэ, Николаев Н.Н. — “Оленек-Торг” тэрилтэ дириэктэрэ, Степанова А.И. — МУП “Аптека” бэрэстэбиитэлэ, Сергеева И.А. — оҕо музыкальнай оскуолатын салайааччыта уо.д.а. үлэ кэлэктиибин бэрэстэбиитэллэрэ телемарафоҥҥа бастакынан үбү биэрдилэр.

Ити курдук, Өлөөн сиригэр сэрии ветераннарыгар уонна тыыл бэтэрээннэригэр анаммыт телемарафон тэрээһиннээхтик саҕаланна.