Саҥа сокуон быраабылатын быһыытынан министерство боломуочуйаларын  сорох өттүн муниципалитеттарга биэрэр, ону таһынан бэриллибит боломуочуйалары олоххо киллэриигэ субвенцияларын эмиэ.  

Муниципальнай тэриллиилэргэ субвенциялар маннык хайысхаларынан тарҕаналлар: сүөһү иитиитэ, сылгыны иитии, үүнээйини олордуу, хотугу табаны иитии, сүөһү этиттэн бородууксуйаны оҥоруу,  сибиинньэ иитэр төрүт хаһаайыстыбалары өйөөһүн, материальнай-техническэй өттүнэн хааччыйыы  уонна да атын.

Быйыл илии баттаммыт сөбүлэһии чэрчитинэн Амма улууһун тыатын хаһаайыстыбатын өйөөһүҥҥэ министерство  153 892 200 солкуоайы ыытыаҕа.Муниципальнай бюджеттан салаа сайдыытыгар 5 мөл солк көрүллүөҕэ.
Министерствоны кытта сөбүлэһии чэрчитинэн 2014 сыллаахха Мэҥэ-Хаҥалас улууһугар - 243 521 100 солкуобай субвенция ыытыллыаҕа.

Бэйэтин олохтоох бюджетыттан Мэҥэ-Хаҥалас улууһа   - 14 700 000 солкуобайы, ону таһынан нэһилиэктэр  бюджеттарыттан 7,5 мөл солк кэриҥэ көрүллүөҕэ.

Улуус баһылыга Николай Старостин этэринэн, быйыл 630 төбө племенной ынах сүөһүнү, ол иһигэр 500 эт боруодалааҕы атыылаһыахтаахтар: оройуоҥҥа эт бородуукталарын таһаарыыны тэрийэргэ былаанныыллар. Ону таһынан «Манчаары» СпоК 130 Алтайскай кыраай кыһыл испиэп боруодалаах сүөһүтүн атыылаһыахтаах.