«Яна өрүстэн 367 тыһыынча тонна кубометр сир хостонуохтаах эбит буоллаҕына, бүгүҥҥү туругунан 48 кубометр эрэ. Күүстэх силлиэ үлэни харгыстаата. Ону таһынан земснаряд пантону түҥнэрдэ. Оробуочайдар итини күннэри-түүннэри чөлүгэр түһэрэллэр», - диэтэ тырааныспар министиэристибэтин коллегиятыгар Өлүөнэ тардыытын уунан суолун дьаһалтатын салайааччытын э.т.Сергей Лаврухин. 

Яна, Индигирка өрүстэр дириҥнэрэ чычааһа флот үлэтигэр мэһэйи үгүстүк үөскэтэр. Ити түмүгэр хоту улуустарга таһаҕаһы тиэрдии бытаарар. Бүгүҥҥү туругунан өрүстэри дириҥэтиигэ үс земснаряд туһаныллар. Балаҕан ыйыгар өссө биир земснаряд эбии кэлиэхтээх.