«Биһиги этэрээппит үс түһүмээхэ хайдыһан үлэлээтэ. Икки нэдиэлэ устатыгар Мэйик, Баҕадьа аттыларыгар баар ойуур баһаарын умуруорууга үлэлээтибит», - диэн эттэ ХИФУ ФЭИ 4 курууһун студена Игнат Ксенофонтов.

Бу этэрээккэ бигэ, кыанар, аармыйа кэккэтигэр сулууспалаабыт уолаттары талбыттар. «Биһиги палаткаларга олорбуппут. Саамай табыгаһа суоҕа хойуу буруо этэ. Суукканы эргиччи противогазтаах сылдьарга күһэллибиппит», - диэтэ Игнат Ксенофонтов.

«Баһаарынай» этэрээти ХИФУ ректора Евгения Михайлова Үөһээ-Бүлүү улууһун баһылыгаВладимир Поскачин көрдөһүүтүнэн тэрийбитэ. Баһаары умуруоруу кэнниттэн улуус баһылыга студеннарга матал суруктары туттарбыт.