Егор Борисов норуот талбыт дьонун кытта көрсүһүүнү республика баһылыгын солотугар киирээт да, 2010 сыллаахтан саҕалаабыта. Маннык тэрээһиннэр көҥүллүк, быраабыла быһыытынан, буолаары турар сессия иннинэ ыытыллыллар.

Депутаттары кытта көрсүһүү кэмигэр регион баһылыга кинилэргэ бара турар үлэ уонна инники соруктар туһунан кэпсиир, кыһалҕалары үллэстэр, сокуон оҥорооччулар сэҥээрэр ыйытыыларыгар сиһилии хардарар.

Президени кытта маннык кээмэйинэн кэпсэтии Ил Түмэн бэһис ыҥырыылаах депутаттарыгар төһө да бастакы буоллар, сүрдээх интэриэһинэйдик уонна таһаарыылаахтык барда.

Кэпсэтиигэ народнай депутаттар Егор Борисовка араас хайысхалаах ыйытыылар биэрдилэр. Энергетиканы хардарыта субсидиялааһын кыһалҕаларын, 2014 сыллааҕы федеральнай бюджет барылыгар уонна Дальнай Восток сайдыытын саҥа сайдыытын концепциятыгар республика этиилэрин дьүүллэстилэр.