«Суолу тутуу икки төгүл улаатыахтаах. РФ президенин Анал суругун чэрчитинэн эбии үп-харчы көрүллүөхтээх», - диэтэ кини.

Кэлэр сылга муниципалитеттарга суолу тутууга уонна өрөмүөннээһиҥҥэ өрөспүүбүлүкэ уонна федеральнай бюджеттартан үп-харчы көмө быһыытынан бэриллиэҕэ.

«Быйыл муниципалитеттарга быһа холуйан 460 мөл. солк. ананар. Өрөспүүбүлүкэтээҕи уонна федеральнай суол фондаларыттан тыа сиригэр массыына суолун тутууга субсидия бэриллиэҕэ», - диэтэ миниистир.

Саха сирин салалтата ыраах, куһаҕан суоллаах-иистээх оройуоннарга тырааныспарга харгыс суох буолуутун хааччыйыыга көдьүүстээхтик үлэлиир. Ол курдук, иҥнигэһэ суох сылдьар тиэхиньикэни уонна өрүс катердарын атыылаһаллар.

Кэлиҥҥи үс сылга федеральнай, өрөспүүбүлүкэтээҕи суолталаах суоллары тутууга 24 млрд солк. көрүллүбүт. Муосталар тутуллаллар, суол саҥа учаастактарын оҥороллор. 2014 сылга 111 км уһуннаах федеральнай суол тутуллубут уонна оҥоһуллубут. Ити РФ-ҕа суолу тутан үлэҕэ киллэрии 20 % ылар.