«Хара көмүс» историятын сэгэтэн көрдөххө, 1970 сылтан саҕалаан, кириисис буолуон иннинэ эбэтэр экономика сайдыыта бытаарар, оннугар тэпсэҥниир кэмигэр, ньиэп сыаната эмискэ икки төгүл үрдүүр эбэтэр икки төгүл түһэр дьикти «ыарыылаах» эбит. Билиҥҥи түһүү эмиэ ол суолу тутуспут, ол эбэтэр эмискэ икки төгүл кыччаата.

Аналитиктар ньиэп 50 долларга диэри түһүүтүн саамай бүтэһик кэрдииһэ диэн быһаараллар. Итинтэн ордук намтыа суоҕа дииллэр. Маннык түһүү буолуохтааҕын Россия Киин баана, РФ Экономикатын министиэристибитэ, аналитиктар эрдэттэн сабаҕалаабатахтарын туһунан Интернет симитигэр суруйаллар.

Ньиэп атыытынан дьарыктанар ырыынакка (фьючерснай ырыынак) баррель сыаната бэрт сотору кэминэн 70-80 долларга диэри үрдүө диэн билгэлииллэр. Ону кэм-кэрдии көрдөрөн иһиэҕэ.