- Бу сырыыга кыттааччылар ахсааннара элбээбит, Кириэс Халдьаайы, Мэҥэ Алдан, Саһыл оскуолаларын бэрэстэбиитэллэрэ кэлбиттэр. Хаандыгаттан орто оскуола, Томпотооҕу гимназия уонна искусство оскуолатын үөрэнээччилэрэ кытыннылар. Быйыл педагогтар уонна устудьуоннар туспа кытыннылар.
- Кыттааччылары Адам Захаров уонна Алина Шадрина, Олег Попов уонна Максим Абрамов хомус тыаһынан эҕэрдэлээтилэр. Саха тылын уонна литературатын учууталларыгар төрөөбүт тылы пропагандалааһын иһин махтал суруктар туттарылыннылар. Оттон Кириэс Халдьаайы үөрэнээччитэ Сайыына Харитоноваҕа саха тылыгар уонна литературатыгар республикатааҕы олимпиадаҕа кыайыытын иһин махтал сурук туттарылынна.
- Бөлөҕүнэн толорууга Хаандыга оскуолатын 3-с кылааһын (салайааччы М.Е. Чекурова) үөрэнээччилэрэ, Саһыл оскуолатын "Сайдыы" бөлөҕө (А.П. Булдакова), Мэҥэ Алдан оскуолатын "Саха саргыта" (З.И. Колодезникова) бастыҥнарынан буоллулар.
- Биирдиилээн ааҕыыга кыайыылаахтарынан Нарыйаана Павлова (Хаандыга оскуолата, 2 “б” кылаас, салайааччыта С.А. Попова), Игорь Фролкин (Саһыл оскуолата, А.П. Булдакова), Максим Саввин (10 кылаас, Кириэс Халдьаайы, Г.К. Павлов) таҕыстылар. Номинациялар хаһаайыннарынан буоллулар: Максим Саввин - "Чаҕылхай уобарас", "Тыл хомуһуна" – Кириэс Халдьаайы сокуолатын саха тылыгар уонна литературатыгар учуутала Г.К. Павлов, "Бастыҥ ааҕааччы" - Игорь Фролкин, "Библиотека биһирэбилин бэлиэтэ" - Лиана Тарабукина (Хаандыга, 3 кылаас). Т.Д. Ворогушина салайааччылаах Саһыл орто оскуолатын учууталларын "Сардаана" коллективтара бастыҥынан ааттанна.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети