Норуот депутата, М.К.Аммосов аатынан федеральнай университет устудьуоннар сайдыыларын управлениетын уонна уопсастыбаннай холбоһуктары кытта үлэҕэ секторын сэбиэдиссэйэ Александр Сусоев Саха сирин баһылыгын отчуотун туһунан  санаатын СИА-ҕа үллэһиннэ:

- Саха сирин баһылыгын Егор Борисов отчуотугар ситэриилээх былаас уорганын 5 сыллаах үлэһин туһунан сиһилии иһитиннэрдэ. Бу кэм устата элбэх үлэ ыытыллыбыт. Ону биир партиялаахтара эрэ буолбакка, атын фракциялар эмиэ бэлиэтээтилэр. Олох тупсарыгар киирбит уларыйыылары дьон-сэргэ да билэр.

Олох салҕанар. Ол сиэринэн сайдыы эмиэ салҕана туруохтаах. Дьон өссө улахан ситиһиилэри, олох өссө тупсан иһиэҕин баҕарар. Оннук буолуох да тустаах. 

Государственнай Мунньах (Ил Түмэн) ситэриилээх былаас уорганын үлэтин биһирээтэ уонна өйөөтө. Биһиги, норуот депутаттара, Сахабыт сирин инники сайдыытын туһугар  бырабыыталыстыбаны кытта ыкса ситимнээхтик үлэлииргэ бэлэммит.