Егор Борисов бэлиэтээбитинэн, Саха Республиката эрэ иэнэ уратытынан дизельнэй энергетикаҕа ночоото атын субъектары кытта тэҥнэммэт, ол эрээри итини федеральнай бюджет көмөтө суох аччатар сатаммат. Хардарыта субсидиялааһын промышленнай уоту туттааччылары бэйэ генерациятын оҥосторго эбэтэр оптовай ырыынакка тахсарга күһэйэр, ол республика уотунан таһынааччыларын тарифтарын үрдэтиигэ тиэрдэр. Ити кыһалҕаны быһаарыы чопчуламматаҕыттан Саха сиригэр үлэлиир промышленнай тэрилтэлэр уонна үлэлиэн баҕалаахтар бизнестэрин тэнитэллэригэр уонна сайыннаралларыгар мэһэйдиир.

Онон ситимнээн Саха сирин президенэ РФ правительствотыгар «О федеральном бюджете на 2014 год и на плановый период 2015 и 2016 годов» Федеральнай сокуоҥҥа уонна Россия Федерациятын «Энергоэффективность и развитие энергетики» подпрограмматын «Развитие и модернизация электроэнергетики» чааһыгар бырайыакка уларыйыы киллэрэн, Саха Республикатыгар 2014 сыллаахха 5,553 млрд солкуобайдаах субсидияны биэрии туһунан этии киллэрдэ.

Антон Силуанов бу кыһалҕа күннээҕи бэбиэскэҕэ хаалар диэн бэлиэтээтэ, Саха сирин специалистара уонна интэриэстээх федеральнай министерстволар уонна ведомстволар кыттыылаах үлэ бөлөҕүн тжэрийэн быһаарыы ылынарга дьаһайда.

Мунньахха СР правительствотын бэрэссэдээтэлэ Галина Данчикова, СР правительствотын бэрэссэдээтэлин бастакы солбуйааччыта, РФ президенигэр СР бастайааннай бэрэстэбиитэлэр Алексей Стручков, СР үбүн миниистирэ Валерий Жондоров, Россия үбүн министерствотын специалистара сырыттылар.