Бэлиэтээн эттэххэ, тохсунньу 30 күнүгэр республика киин куоратыгар Суорун Омоллоон аатынан Государственнай опера уонна балет театрыгар Саха сиригэр Арктика Сыла саҕаламмытыгар аналлаах общественность үөрүүлээх мунньаҕа буолуоҕа.

Биһиги президеммитин уонна республика олохтоохторун Санкт-Петербург губернатора Георгий Полтавченко, Чукотка автономнай уокуругун губернатора Роман Копин, Новосибирскай уобалас губернатора Василий Юрченко, Хабаровскай кыраай губернатора Вячеслав Шпорт, Томскай уобалас губернатора Сергей Жвачкин, Сахалин уобалаһын губернатора Александр Хорошавин,  Алтайскай кыраай губернатора Александр Карлин иитиитик- истиҥник эҕэрдэлээтилэр, үтүө баҕа санааларын анаатылар.