«Дьон быыбары ураты болҕомтотугар тутарын быыбар иннинээҕи процесс ырылхайдык көрдөрдө. 12 сыл кэнниттэн өрөспүүбүлүкэҕэ таһыччы атын олох саҕаланар: биһиги талар бырааптанныбыт. Дьон быыбарга эппиэтинэстээх сыһыана үөскээбитин бэлиэтээтим», - диэтэ Егор Борисов.

Быыбарга хас да киһи кыттара демократия сайдыытын бэлиэтэ буоларын кини ыйда: «Биһиэхэ тус толкуйдаах, көрүүлээх элбэх баартыйалар, уопсастыбаннай үөскээһиннэр элбээтилэр. Кандидаттар бары муниципальнай сиидэлээһини ааһыахтара диэн бүк эрэллээхпин. Дьон бигэ олоҕу тэҥэ инники диэки күүрүүлээхтик сайдыыны өйүөхтэрэ дии саныыбын».

Егор Борисов баһылык дуоһунаһыгар кандидат буолбуту туоһулуур докумуону туппутуттан долгуйбутун эттэ. «Муниципальнай сиидэлээһини ааһарга баһылыктар, депутаттар көхтөөхтүк кытыннылар. Миигин  өйөөбүттэргэ бука барыларыгар улаханнык махтанабын», - диэтэ кини.