Массыынаны сыныйан көрүү кэмигэр ГИБДД үлэһиттэрэ  наркотигы туттууга аналлаах ракета диэн ааттанар тэрили буллулар. Суоппары эмчиттэргэ көрдөрөргө эппиттэрин, кыккыраччы аккаастаммыт.

Салгыы наркотигы сокуоннайа суох эргитиини утары охсуһар полиция үлэһиттэрэ массыына иһиттэн хас да кумааҕыга сууламмыт маҥан өҥнөөх бороһуогу буллулар.

Сууламмыт бороһуоктары экспертизаҕа ыыппыттар, онно быһаарыллыбытынан 2,2 грамм күүстээх дьайыылаах QSBL-018 синтетическэй наркотик эбит.

Бэрэбиэркэ түмүгэр массыына  «Сунтаар улууһа (оройуона)» МТ администрациятын бас билиитэ буолара билиннэ.
Эмчиттэр чинчийиилэриттэн аккаастаммытын иһин, суоппар бырааба быһылынна. Итини таһынан, кини наркотигы сокуоннайа суох илдьэ сылдьыбытын уонна харайбытын иһин холуобунай дьыалаҕа тардыллыаҕа.