ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Похожие новости

4 июня 2014, 13:20

Киһи быраабын көмүскэлигэр: дьон кыһалҕатыгар болҕомто күүһүрэр


Алексей Ефимов СӨ Киһи быраабыгар боломуочунайынан сыл анараа өттүгэр, ыам ыйын 31 күнүгэр, анаммыта. Олоҕун отуттан тахса сылын прокуратура уорганнарыгар анаабыт киһи саҥа дуоһунаһыгар туох сонун уларытыылары киллэрбит эбитий?

Бастатан туран, киһи быраабын көмүскүүр боломуочунай үлэһиттэрин кытта улуустарга тахсан, дьону кытта көрсөр буолбутун бэлиэтии көрөҕүн. Ол курдук, Хаҥаласка, Намҥа, Мэҥэ-Хаҥаласка, Чурапчыга, Тааттаҕа уонна бу ыам ыйын 28 күнүгэр Горнай улууһугар тахса сылдьыбыттар. Алексей Михалович маннык сырыыларга улуус, быраабы араҥаччылыыр уорганнар салайааччыларын эрэ кытта буолбакка, саамай сүрүнэ – нэһилиэнньэни кытта көрсүһэр. Биирдиилээн дьон киниэхэ кэлэн, туох кыһалҕалаахтарын кэпсээн, сүбэ-ама, көмө ылан барар.

Холобура, Горнайдааҕы сырыыга киниэхэ 20 киһи кэлэ сылдьыбыт. Олохтоохтор, сүрүннээн, сири ылыыга, бас билиигэ, саахалланар туруктаах хаарбах дьиэлэртэн көһүүгэ, олорор усулуобуйаны тупсарыыга, үлэттэн уурайыыга, тулаайах оҕолору дьиэнэн хааччыйыыга уо.д.а. сыһыаннаах боппуруостары ыйыталаспыттар. Итилэртэн сорох боппуруостар олохтоох былаас быһаарыытыгар бэриллибиттэр, сорохторун Алексей Ефимов бэйэтин тус хонтуруолугар ылбыт.

photoByWidth&id=6542&width=1000

Иккис суол быһыытынан, киһи быраабыгар боломуочунай холуонньаларга, дьону быстах кэмҥэ тутар изолятордарга уонна силиэстийэлиир изолятордарга бэрэбиэркэлии тиийэрэ элбээбитин бэлиэтиигин. Ол курдук, Алексей Михайлович ити сылдьыбыт улуустарын уонна Дьокуускай куорат полициятын изолятордарыгар, 1 №-дээх Силиэстийэлиир изолятордарга итиэннэ Хаҥалас улууһугар баар икки хаайыыга – Үөһээ Бэстээхтээҕигэ уонна Мохсоҕоллоохтооҕуга – сылдьан, онно олорооччулары кытта кэпсэтэн, усулуобуйаларын көрөн-истэн, быһыы-майгы хайдаҕын үөрэппит.

Үлэ ити хайысханан тиһигин быспакка ыытыллар: киһи быраабыгар боломуочунай улуустарга үлэлиир общественнай бэрэстэбиитэллэрэ дьону быстах кэмҥэ хаайар изолятордары кыбартаал аайы бэрэбиэркэлииллэр. Маны тэҥэ, боломуочунай аппараатын үлэһиттэрэ холуонньаларга «социальнай лифтэр» хамыыһыйаларын үлэтигэр кытталлар.

photoByWidth&id=6543&width=1000

Үһүс суол – суут мунньахтарыгар кыттыы. Сыыспат буоллахпына, урукку өттүгэр итинник суоҕа. Ол курдук, аппараат үлэһиттэрэ биирдиилээн дьоҥҥо ирдэһэр сайабылыанньалары толорон биэриигэ көмөлөспүт эрэ буолбатахтар, ону ааһан, кинилэр интэриэстэрин суут мунньаҕар көмүскээбиттэр. Оннук хас да гражданскай дьыалалары көрүүгэ кыайыылаах тахсыбыттар.

Киһи быраабыгар боломуочунай үлэтигэр сонун сүүрээннэр быһыытынан, сүрүннээн, ити үс суолу ойуччу тутан бэлиэтээтим. Оттон, дьиҥэр, үлэтин хайысхалара элбэх, хабаана киэҥ бөҕө буоллаҕа.

При частичном или полном использовании материалов гиперссылка на сайт ysia.ru обязательна.
Категория: Подробно Просмотров: 3770 Источник: Газета "Саха Сирэ" Автор: Вера Макарова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ