Саха сирин баһылыга Егор Борисов өрөспүүбүлүкэ уопсастыбаннай палаататын пленарнай мунньаҕын кэмигэр коррупцияны утары үлэлиир сэбиэти тэрийэри көҕүлээбитэ. Онно коммерческайа суох тэрилтэлэр бэрэстэбиитэллэрэ, олоххо актыыбынай дьон киириэхтээхтэрин ыйбыта.

«Коррупцияны утары үлэлиир сэбиэти тэрийиигэ этиилэргитинкиллэриҥ. Бу үлэҕэ государство өттүттэн хонтуруолу күүһүрдүөхпүт. Үлэлиир кыахтаах уонна дьоҕурдаах каадыры сүүмэрдээтибит», - диэтэ Егор Борисов.

Муниципалитеттарга маннык сэбиэттэр тэриллэннэр, мөккүөрдээх боппуруостары быһаарыыга көмөлөһүөхтэрин кини чиҥэтэн эттэ.

Саха Өрөспүүбүлүкэтин баһылыгын уонна бырабыыталыстыбатын дьаһалтатын коррупцияны утары департаменын салайааччы Федор Борисов муниципальнай тэриллиилэргэ коррупцияны утары үлэ ситэтэ суоҕун бэлиэтээтэ. Муниципальнай тэриллиилэр сайтарыгар коррупцияны утары үлэ туһунан иһитиннэрии быстар мөлтөҕүн кини чиҥэтэн эттэ. Борисов коррупцияны утары сэрэтэр үлэ ыытыллыбат сирдэригэр коррупцияны кытта ситимнээх буруйу оҥоруу, быраабы кэһии тахсарын бэлиэтээтэ.