ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
8 мая 2014, 11:33

Бэтэрээннэр улуус киинин дьиҥнээхтии күөх Ньурба дэтэр курдук мас олордуутун күүскэ ыытарга ыҥырдылар


Ньурба оройуонун баһылыга Борис Попов ыам ыйын 7 күнүгэр муниципальнай сулууспа бэтэрээннэрин кытта көрүстэ, кэлэн иһэр Улуу Кыайыы күнүнэн истиҥник эҕэрдэлээтэ.

Баһылык улуус олоҕуттан быһа тардан ааспыт сыл тумүктэрин кэпсээтэ, элбэх араас хабааннаах үлэ барбытын билиһиннэрдэ. Дьаһалтаҕа урукку кэмнэргэ үлэлээн ааспыт бэтэрээннэр санааларын-оноолорун тото-хоро кэпсэттилэр, сүрдээх интэриэһинэй этиилэри, ырытыылары онордулар.

Бэтэрээн Д.Торохов эдэр ыччат патриотическай иитиитигэр улахан болҕомто ууруллуохтааҕын ыйда, оҕо сиэргэ-майгыга улахан дьону көрөн үөрэнэрин, үтүктэрин, бэйэни көрүнэр наадалааҕын тоһоҕолоото. Кини кэнники кэмнэргэ буолар дьон-норуот түмсэр мероприятияларыгар элбэх киһи кыттара чол олох, өй-санаа тупсубутун бэлиэтэ диир. "Оройуон нэһилиэнньэтин өйө-санаата сэргэхсийбитэ, сайдыбыта тыл-өс аһыллыбытыгар эмиэ көстөр", -  диэн бэлиэтээтэ.

С.Самсонов оройуоммут улахан бырааһынньыктары үрдүк таһымтаахтык ыытар буолла диэн эттэ. "Кыайыы 70 сылын көрсө Кыайыы болуоссатын өйү түмэн үйэлээх гына чөлүгэр түһэрэн ситэриллэрэ буоллар, биһиги, кырдьаҕастар, санаабыт туолла диэн дуоһуйуо этибит", -  диэтэ. Урукку сыллартан үлэлиир Кыайыы Фондатын үбүн сөптөөхтүк тыыран, бэтэрээннэргэ эрэ анаан туттуохха наада, диэн баҕа санаатын тириэртэ.

А.Захаров улуус баһылыгын ыытар үлэтин биһириирин ыйда уонна санаммыт санаатын тиһигэр диэри ситэрэрин хайгаата. «Сылаас детсад уонна сылаас оскуола» диэн бырагыраама олоххо киирбитин, сыллар тухары кыаллыбакка турбутун миэстэтиттэн хамсаппытын бэлиэтээтэ. Алмаас хампаанньаны кытары бэтэрээннэр көрсүһүүлэрэ ааспыт сылга хампаанньалар аккаастаан сатамматаҕын, быйыл умнуллубакка былааҥҥа өссө төгүл киирбитин хайгыы эттэ.

В.И.Саввинов улуус киинин дьиҥнээхтии күөх Ньурба дэтэр курдук мас олордуутун күүскэ ыытарга ыҥырда. Куораты көҕөрдүү үлэтин сыл ахсын системнай гыныллыахтаах, саҥа тутуу барар сиригэр күөх зона баарын ирдэниллиэхтээх, олорбут мас көрүллүөхтээх-истиллиэхтээх диэн бэтэрээннэр сөбүлэннэрин ылла. "Оскуоланы бүтэрэр выпускниктар традиция быһыытынан биирдии бэйэлэрэ мас олордоллоро буоллар, Ньурбабыт дэлэҕэ көҕөрүө-ситиэ этэ дуо", -  диэн санаатын үллэһиннэ.

Бэтэрээннэр сэрии сылларыгар оҕо сылдьан улахан дьону кытта тэҥҥэ үлэлээбиттэрин, аччык сыллары хайдах туораабыттарын кэпсэтэн уруккуну-хойуккуну ахтыстылар, санааларын үллэһиннилэр. Борис Попов кырдьаҕастары эҕэрдэлээн сэмэй бэлэх туттартаата, эдэр специалист кыргыттар ырыа-тойук бэлэх ууннулар. Уопсай хаартыскаҕа түһүү кэннэ бэтэрээннэр астына-дуоһуйа тарҕастылар, диэн СИА-ҕа Ньурба оройуонун пресс-сулууспата иһитиннэрлэ.

При частичном или полном использовании материалов гиперссылка на сайт ysia.ru обязательна.
Категория: Жизнь Просмотров: 4367 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ