Истиилэргэ кыттыыны Ил Түмэн депутата В.Прокопьев, «АЛРОСА», «Якутниипроалмаз» бэрэстэбиитэллэрэ, оройуон салайааччылара, Ньурба куорат уонна нэһилиэктэр баһылыктара, тэрилтэлэр салайааччылара, государственнай кэтээн көрөр органнар бэрэстэбиитэллэрэ уонна оройуон общественноһа кытыннылар.
«Якутниипроалмаз» байытар салаатын начальнига А.Гаврилюк, «Якутниипроалмаз» айылҕа харыстабылын салаатын начальнига Скрябикова дакылааттарын иһиттилэр. Бүлүүтээҕи бассейновай айылҕа харыстабылын кэмитиэтин старшай госинспектора А.Алексеев республикатааҕы айылҕа харыстабылын Министерствотын бу бырайыактарга түмүгүн аахта.
Аһаҕас истии кыттыылаахтара бырайыактарга элбэх сэмэлэри уонна этиилэри киллэрдилэр. Ол курдук, бырайыактанар эбийиэктэр тулалыыр эйгэҕэ дьайыыларын характеристикатыгар быраҕыллар бөх -сыыс химическэй састаабыгар хаппыт кутурук туһунан кэпсээни киллэрэн биэрии; сир ньуурун үрдүгэр хайаан да гидроизоляционнай дьапталҕаны тэлгээһин; өр кэмҥэ түспүт сөҥүүлэр кэннилэриттэн хаар уонна ардах ууларын аварийнай тоҕууну хайаан да аччатыы, «Бордоҥ нэһилиэгин олохтоохторугар ити бырайыактары билиһиннэрии диэн уо.д.а. этиилэр киирдилэр.
Түмүгэр, ити үс бырайыагы баһыйар куолаһынан ылыннылар.
Комментарии
Авторизация на сайте через социальные сети