ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

На карте

13 февраля 2015, 00:21

Дьэлиҥдэлэр бырабыыталыстыбаттан банкоматы туруорустулар


Өлөөн улууһун үрдүнэн банкомат тиийбэт. Кыйахаммыт дьон ол туһунан өрөспүүбүлүкэ ситэриилээх былааһын отчуотун кэмигэр эттилэр. Үөрэх министерствота учууталлар хамнастарын барытын сберкартаҕа түһэрэр уларытыыны киллэрбит, банкоматтары туруорар туһунан толкуйдаабатах. Дьон хамнаһын устарыгар 3000 солк төлөөн Өлөөҥҥө киириэн наада. Улуус киинигэр баар банкомат да субу-субу алдьанан эрэйдиир. Нэһилиэккэ банкомат суоҕа учууталлары эрэ эрэйдиир буолбатах эбит.

Иван Кириллов, Дьэлиҥдэ нэһилиэгин олохтооҕо, пенсионер, урбаанньыт:

- Мин бу кырдьар сааспар урбаанньыт буоллум. банкомат суох буолан үлэбин атахтаата. Үбү-харчыны быһаарар киһиэхэ тиэрдиҥ эрэ, Сбербаан банкоматын манна туруордун. Харабыллыыр наада буоллаҕына, мин бэйэм да харабыллыам. Хонтуораны сирдэххитинэ, өрөмүөннүөхпүт. кылаабынайа, туруоруҥ. Эрэй буолла...

photoByWidth&id=22910&width=1000

СӨ сибээскэ миниистирин 1 солбуйааччы Николай Гришаев:

Инкассацияны тэрийии кыайтарбат. Сбербаантан” Дьэлиҥдэҕэ банкомат туруорарын көрдөһүөхпүт. Харчыны тиэйии-таһыы, манна куттала суох турара хааччылыннаҕына нэһилиэккэ да туруоруон сөп.

photoByWidth&id=22911&width=1000

Ыспыраапка:

Дьэлиҥдэ (Дэли - эбэҥкилии “бил балык”) -- Өлөөн улууһун биир улахан нэһилиэгэ. Улуус кииниттэн 320 км тэйиччи сытар. 650 киһи олорор. Массыына кыһыҥҥы суола эрэ баар. Өлөөн сэлиэнньэтиттэн Аччыгый Куонапка өрүһү батан тиийиэххэ сөп.

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 1459 Источник: ЯСИА Автор: Прокопий Бубякин Изображение: Прокопий Бубякин Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ