Правительственнай бөлөх Улахан Чыыстайга, Төбүлэххэ, Соболооххо, Чыбааҕылаахха сырытта, нэһилиэнньэни кытта көрсөн олохтоохтор этиилэрин иһиттэ.
Отчуот кэмигэр үүммүт сылга, кириисиһинэн сибээстээн, үгүс былааннаммыт үлэ тохтотуллуон сөбө ыйылынна. Соболоох нэһилиэгин олохтоохторо правительствоҕа уонча сыл туруорсар хочуолунайдара быйыл эмиэ тутуллубат буолбутуттан улаханнык хомойдулар. Соболооххо кэпсэтии эмиэ нэһилиэккэ бу тыын боппуруос буолбут тутуу сыл аайы көһөрүллэн иһэрин тула барда.
Муома олохтоохторо тыа хаһаайыстыбатын боппуруостарыгар, чуолаан таба иитиитигэр, санааларын эттилэр, киинтэн ыраах олорорбут быһыытынан оройуоҥҥа доруобуйа харыстабылын, үөрэҕирии салааларын бөҕөргөтүүгэ баар кэккэ кыһалҕалары быһаарыыга, ол иһигэр саҥа объектары тутууга интэриэстээхтэрин биллэрдилэр.
Комментарии
Авторизация на сайте через социальные сети